نیگار عینایەتی هەر بەردەوام دەبین ئەگەر بە شەهیدبوونیش کۆتای بێت

  English    -   Deutsch  -  kurdi   -    كوردی   -   فارسی                                                        

نیگار عینایەتی هەر بەردەوام دەبین ئەگەر بە شەهیدبوونیش کۆتای بێت پ‌د‌ف چاپکردن پۆستی ئەلیکترۆنی


لەپێناو هێنانەدی داواکاریەکانیان لە 15 ی شوبات 450 زیندانی سیاسی کورد لە زیندانەکانی باکوری کوردستان و تورکیا دەستیان بە مانگرتنی بێ وادەکرد دواتر ئەو ژمارە زیادی کرد تا بوو بە زیاتر لە 1500 کەس لەداهاتووەکی نزیک دا دەبێتە 2000 کەس،بەهەمان شێوە لە ئەوروپا لە شاری ستراسبۆرگی فەرەنسا لە ڕۆژی 1.3.2012 پانزە کەس کە پێنچ ژن و دە پیاون بەهەمان مەبەست دەستیان بە مانگرتنی بێ وادەکرد .ماڵپەڕی فیدراسیۆنی زیندانیانی سیاسی کوردستان لە 31.3.2012 سەردانی مانگرتوانی شاری ستراسبۆگ لە فەڕەنسا کرد ئەم چاوپێکەوتنەی لەگەڵ یەکێک لە مانگرتووان ئەنجام دا، خاتوو نیگار عینایەتی ئەو ژنە کوردەی بە ورەیەکی بەرز بەردەوامە لە مانگرتن.

بەڕێزتان لە 1ی ئادارەوە دەستان داوەتە مانگرتن دەکرێ باسی ڕەوشی تەندروستی خۆت و بەشداربوانی تری ئەم مانگرتنە بکەیت : F.P.P.K

نیگار عینایەتی - من نیگار عینایەتی لەدایک بووی ساڵی 1987 ی شاری بۆکانم.لە 1.3.2012 دەستم بە مانگرتن کرد لەگەڵ 14 کەسی تر،سەبارەت بە باری تەندروستی دەتوانم بڵیم بەگشتی تەندروستیمان باش نیە وە هەموومان کێشی لەشمان دابەزیوە ،ژنەکان 7 کیلۆ و پیاوەکان 14 کیلۆ کێشیان دابەزیوە،بەهۆی فیزیکی ژنەوە لە ڕووی بیۆلۆجیەوە ژنان زیاتر لاوازیان پێوە دیارە، هەفتەی جارێک پزیشکێک کە سەر بە مانگی سوری کوردستانە پشکنین دەکات بەتایبەتی بۆ زانینی ڕێژەی شەکر لە خوێن و زیاد بوون و کەم بوونی پاڵەپەستۆی خوێن.

جگە لە ئێوە ئەو پانزە کەسە کەسی تر لێرە بەشدارە لەو مانگرتنە :F.P.P.K

نیگار عینایەتی – هەر 5 ڕۆژ جارێک گروپێکی 35 کەسی بۆ پشتگیریکردنی مانگرتوانی ناو زیندانەکان و بۆ ئێمەش لە ستراسبۆرگ بۆ ماوەی پێنچ ڕۆژ بەشداری مانگرتن دەبن وە بەم شێوەیە دەگۆڕێت ئەمڕۆ گروپی پێنجەم دەستیان پێکرد

دەکرێ باسی داواکاریەکانتان و مەرجەکانتان بۆ کۆتاییهێنان بکەن :F.P.P.K

نیگار عینایەتی – داواکاریەکان بریتین لە شەش خاڵ

کۆتایهێنان بە گۆشەگیری سەر بەڕێز ئۆجەلان

کۆتایهێنان بە ئۆپەراسیۆنەکانی سەربازی

ستاتۆیەکی سیاسی بۆ گەلی کورد

کۆتایهێنان بە قڕکردنی سیاسی

ووڵاتانی ڕۆژئاوا چەک فرۆشتن و یارمەتی سەربازی بۆ تورکیا ڕابگرن وە ڕۆڵی ناوبژیوان ببینن بۆ چارەسەری

ئەوروپا یارمەتیدەر بێت بۆ دیموکراتیزەبوونی تورکیا تا تورکیا بەپڕاکتیک دەبێتە دیموکراتی

بەڵام ئەگەر ئەو داواکاریانە نەهاتنە دی پلانتان چیە :F.P.P.K

نیگار عینایەتی – بەردەوام بوون هەتا ئەگەر بە شەهادەتیش کۆتای بێت دروشمی ئێمە یان سەرکەوتن یان سەرکەوتن.

ئایا کۆنسەی ئەوروپا و سی پی تی هەڵوێستیان چۆن بووە بەرامبەر بەو مانگرتنە و داواکاریەکانتان :F.P.P.K

نیگار عینایەتی – 20 پەرلەمانتاری ئەروپی نامەیان ناردوە بۆ تۆربجۆرن جاگلاند  سکرتێری کۆنسەی ئەروپا بۆ ئەوەی وەڵامی ئێمە بداتەوە ،بەڵام ناوبراو تا ئێستا وەڵامی نەداوەتەوە،بەهەمان شێوە لەلایەن دوو گروپ سەردانی سی پی تی کراوە بەڵام تا ئێستا وەڵامی نەداوەتەوە.

بانگەوازیتان بۆ گەلی کورد چیە :F.P.P.K

نیگار عینایەتی – چالاکیەکانی خۆیان بەرزبکەنەوە بێدەنگنەبن لەبەرامبەر تاوانەکانی دژ بەگەلی کورد وە پێویستە دەنگی کپ کراوی ئێمە بگەیەننە هەر تاکێک لەم جیهانە ئەوە باشترین وەڵامە.ئێمە سەرفرازین بەگەلەکەمان گەلێکە ئامادەیە بۆ قوربانیدان لەپێناو ژیانێکی ئازاد یان ئازادی یان ئازادی ،بۆ گەلی کورد ڕێگای تر نیە .بەگوڕکردنی کاروخەباتمان دەسەڵاتەکان ناچار دەکات دیالۆگ قەبوڵبکەن وە موخاتب ڕێبەر ئاپۆیە ئەدرەسەکەشی ئیمڕاڵیە ،دەبێت دان بە بوونی کورد دابنێن،ئەوەش بەتێکۆشان دەبێت . سەبارەت بە فیدراسیۆنی زیندانیانی سیاسی کوردستان دامەزراندی ئەو فیدراسیۆنە کارێکی زۆر پیرۆز بوو بەتایبەتی کە دەنگی زیندانیانی سیاسی کوردستانە بەبێ جیاوای چونکە ڕووی ڕاستەقینەی دەوڵەت تەنها لە زیندانەکان بەدەردەکەوێت، هیوای سەرکەوتن بۆ کارەکانتان دەخوازم.

لەسەر ناوی ستافی ماڵپەڕەکەمان ماڵپەڕی فیدراسۆنی زیندانیانی سیاسی کوردستان زۆر سوپاسی بەڕێزت دەکەین وە هیوای هێنانەدی دواکاریەکانتان و سەرکەوتنتان بۆ دەخوازین

نیگار عینایەتی – زۆر سوپاستان دەکەم خۆشحاڵبووین بە هاتنتان.

ستراسبۆڕگ - فەرەنسا

31.3.2012

F.P.P.K - سازدانی - فوئاد زیندانی