بیست و شەشەمین ساڵیادی تیرۆرکردنی(شەرەفکەندی) و هەڤاڵانی

  English    -   Deutsch  -  kurdi   -    كوردی   -   فارسی                                                        

بیست و شەشەمین ساڵیادی تیرۆرکردنی(شەرەفکەندی) و هەڤاڵانی پ‌د‌ف چاپکردن پۆستی ئەلیکترۆنی

لەشاری بەرلین پایتەختی ئەڵمانیا(٢٦) ساڵ لەمەوبەر تیرۆریستانی سەربە کۆماری ئیسلامی ئێران دکتۆر سادق شەرەفکەندی و هەڤاڵانی تیرۆرکرد.

 

لە ١٧ سێپتێمبەری ساڵی ١٩٩٢ لە شاری بەرلین گەڕەکی ڤیلمەرسدۆرف ،لەشەقامی (پراغ) لە ژوورێکی دواوەی   ڕێستورانتی میکۆنۆسی یۆنانی سیاسەتمەدارانی کورد لەناویاندا دکتۆر سادق شەرەفکەندی سکرتێری حزبی دیموکراتی کوردستانی ئێران و هەڤاڵانی لەگفتوگۆدابوون کاتژمێر ١١ ی شەو کاتێک ڕێستورانتەکە چۆل ببوو ، دوو کەسی دەمامکدار خۆیان لەمێزەکە نزیک دەکەنەوە ، یەکێکیان شتێک لەژێر مێزەکە ڕادەکێشێ ، ئەوی تریان لەژێر قٶڵی خۆی چەک ڕادەکێشێ و چوارکەس گولـلەباران دەکەن و دەیانکوژن ، لەناو کوژراوەکاندا دکتۆر شەرەفکەندی بوو . شایەتحاڵانی ئەو ڕووداوە ئەوکات دوای ڕووداوەکە ڕایانگەیاندبوو کە دکتۆر شەرەفکەندی لەنێوان دوو تا سێ گولـلەی بەرکەوتبوو تیرۆرکرا ، بەهەمانشێوە هەرسێک سێ لەهەڤاڵانی کەبریتیبوون لە ( فەتاح عەبدولی ، هومایۆن ئەردەڵان ، محەمەدپور دێهکوردی) . پۆلیسی ئەڵمانی تا دوو مانگی دواتر دوو کەسی ئێرانی و سێ کەسی لوبنانی دەستگیرکرد . لەمانگی مای – ئایاری ساڵی ١٩٩٣ دا داواکاری گشتی ئەڵمانیا دوو کەسی لەو پێنچ کەسە دەستبەسەرکراوە وەکو تاوانباری سەرەکی کەتیرۆرەکەیان ئەنجامداوە دەستنیشانکرد و سێ تاوانبارەکەی تریش وەکو هاریکاری ئەنجامدانی تیرۆرەکە دەستنیشانکرد . وە بەشێوەیەکی فەرمی دەزگای هەواڵگری ئێرانی تاوانبارکرد .

تاوانباری سەرەکی دوو کەس بوون یەکێکیان ئێرانی بوو ناوی ( کازم دەرابی) و ئەوی تریان لوبنانی بوو ناوی ( عەباس ڕهیەل ) بوو .

لەساڵی ٢٠٠٤ وە شارەوانی بەرلین لەشوێنی تاوانەکە لەسەر پارچە پلێتێکی ئەلەمنیۆم ناوی شەهیدەکانی نووسیوە ، لەکۆتای ڕستەیەکدا نووسراوە لەلایەن دەسەڵاتدارنی پێشووی ئێران تیرۆرکراون .

شایانی باسە دوای ئەوەی شەهیدی سەرکردە دکتور عەبدولڕەحمان قاسملۆ سکرتێری حزبی دیموکراتی کوردستانی ئێران وهەڤاڵانی لە ساڵی ١٩٨٩ لەشاری ڤین پایتەختی وولاتی ئۆستریش لەلایەن دیپلۆمات تیرۆریستانی کۆماری ئیسلامی ئیران تیرۆرکران ، دکتۆر سادق شەرەفکەندی بوو بە سکرتێری حزبی دیموکراتی کوردستانی ئێران .

ساڵی رابردوو واتە لە بیست و پێنجەمین ساڵیادی تیرۆرکردنی شەرەفکەندی و هەڤاڵانی، بەکرێگیراوانی ڕژێمی ئێران لە شوێنی تاوانەکە مۆنەمێنتە سونبولیەکە کە ناوی شەهیدەکانی لەسەربوو، تێکدەشکێنن، بکەرانی ئەو تاوانەش هێشتا دەستگیرنەکراون.

ڕژێمی کۆماری ئیسلامی ئێران ئەمساڵ نۆ ڕۆژ پێش ساڵیادی تیرۆرکردنی شەرەفکەندی و هەڤاڵانی واتە لە(٢٠١٨/٩/٨) بەشێوەیەکی مارەسۆنی شەش زیندانی سیاسی کورد(ڕامین حسێن پەناهی، زانیار مورادی، لوقمان مورادی، کەمال ئەحمەد) و دوو پێشمەرگەی حزبی دیموکراتی کوردستانی ئێرانی لەسێدارەدا، هەروەها بنکە و بارەگاکانی حزبی دیموکراتی کوردستانی ئێران(حدکا) و حزبی دیموکراتی کوردستان(حدک) و کامپێکی نیشتەجێی خەڵکی سڤیلی بە مووشەکی دوورهاوێژی(زەمین- زەمین) مووشەکباران کرد بەوهۆیەوە ژمارەیەک تێکۆشەر لەناویاندا(نەسرین حەداد و سوهەیلە قادری) شەهید و برینداربوون.

ئەو کردەوەیەی ڕژێمی سێدارە سەلماندی کە سەرەتای کۆتایی ئەو ڕژێمە دەستیپێکردووە.

هەزاران سڵاو لەگیانی پاکی ئەو شەهیدە نەمر و سەربەرزانە و سەرجەم شەهیدانی کورد و کوردستان

 

FPPK

16.09.2018