تورکیا و شاڵاوی دەستگیرکردن و داپڵۆسین و ئامارەکان

  English    -   Deutsch  -  kurdi   -    كوردی   -   فارسی                                                        

تورکیا و شاڵاوی دەستگیرکردن و داپڵۆسین و ئامارەکان پ‌د‌ف چاپکردن پۆستی ئەلیکترۆنی

ئا: فوئاد زیندانی

لە مانگی(پێنچ- مای) ساڵی (٢٠١٦) دا دەوڵەتی تورک پارێزبەندی لەسەر(٥٩) پەرلەمانتاری فراکسیۆنی(هەدەپە) لەپەرلەمانی تورکیا هەڵگرت، پاشان دەوڵەتی تورک بەبیانووی کودەتا سەربازییە سەرنەکەوتووەکەی مانگی(٧)ی هەمان ساڵ دەستیکرد بە فراوانکردنی شاڵاوەکانی دەستگیرکردن و پەرلەمانتارانی هەدەپەی کردە ئامانج لەو چوارچێوەیەدا(١١) پەرلەمانتار لەناویاندا هاوسەرۆکانی هەدەپە(فیگەن یوکسەداخ و سەلاحەددین دەمیرتاش) ی دەستگیرکرد، دواکاری گشتی تورکیا داوای(١٤٢) ساڵ زیندانیکردنی بۆ هاوسەرۆکانی هەدەپە کرد!!

لەدوای کۆتاییهاتنی گفتوگۆی ئاشتی نیوان دەوڵەتی تورک و لایەنی کوردی بە ڕابەرایەتی(عەبدوڵا ئۆجەلان) ڕێبەری پارتی کرێکارانی کوردستان، دەوڵەت بەگشتی(٨٧١١) ئەندامی (هەدەپە) و (بەدەپە) ی دەستگیرکردووە هەروەها(٧٧) سەرۆک شارەوانی(بەدەپە) ی هەڵبژێردراو لەلایەن میللەت دەستگیرکردووە لەناویاندا(گوڵتان کشاناک) لە ئامەد و (ئەحمەد تورک) لە ماردین. دەوڵەت شارەدارانی کورد و بەزۆر لەسەر کار لابردوون و سەپێنەری تورکی سەر بە دەوڵەتی لەجێگەی ئەواندا دامەزراندووە.

لە چوارچێوەی شاڵاوەکانی دەوڵەت بەناوی پاسازی ڕۆژنامەی(ئۆزگور جوندەم) ماوەی زیاتر لە پێنچ مانگە داخراوە، تەلەفیزیۆنی کوردی تایبەت بە منداڵان داخرا، کۆنگرەی دیموکرات گەلان داخرا، ڕێکخراوەکانی وەک(یارمەتی بۆ ڕۆژئاوا، بزووتنەوەی ژنان، پارێزەران، سەندیکا) داخران، هەروەها فەرمانبەرانی خوێندنی باڵا لەسەر کار لابران.

بەگشتی(١٥٠) ڕۆژنامەنووس لە تورکیا لە زیندانن،(١١٥٠٠) مامۆستا لە ناوچە کوردییەکان لەسەر کار لابراون. لە چوارچێوەی سەپاندنی باری نائاسایی بە مەرسومێک(١٤٨٧) ڕێکخراوەکانی کۆمەڵگای مەدەنی قەدەغەکراون. بەپێی ڕاپۆرتی مافی مرۆڤ(ئیهادێ) دەوڵەت لە ساڵی رابردوودا(٥٠) هەزار پێشێلکاری لە ناوچە کوردییەکان ئەنجامداوە.

لە زیندانەکانی تورکیادا ساڵی ڕابردوو بەگشتی(٤٧) زیندانی سیاسی کە لەناو زینداندا نەخۆش بوون بەهۆی نەبوونی چارەسەری پزیشکی گیانیان لەدەستدا!!

لە دوورگەی ئیمڕاڵی(عەبدوڵا ئۆجەلان) ڕێبەر و دامەرێنەری پارتی کرێکارانی کوردستان(پەکەکە) گۆشەگیری تەواوی لەسەر پەیڕەو دەکرێت، پارێزەرانی ڕێگایان پێنادرێت سەردانی بکەن، هەروەها خزم و کەسی(ئۆجەلان) ڕێگایان پێنادرێ بە شێوەیەکی ڕێکخراو سەردانی بکەن.

FPPK

06.04.2017