ماف و ئازادی ژن

  English    -   Deutsch  -  kurdi   -    كوردی   -   فارسی                                                        

ماف و ئازادی ژن پ‌د‌ف چاپکردن پۆستی ئەلیکترۆنی

نووسینی : ف. نهانی حەسەن نوران

دەزانین سەبارەت بە ئازادی و مافەکانی مرۆڤ بەگشتی و مافەکانی ژنان بەتایبەتی ڕۆژانە یا هەفتانە سەرە دێڕو بابەتی بریقەداری

زۆر دەنووسرێ و ڕادیۆ و تیڤیەکان چەندین بابەتی لەسەر بڵاودەکەنەوە ، بە واتایەکی تر لەوبارەیە زۆر دەنووسین و دەخوێنینەوە ، نووسراوە و دەنووسرێ ...

ماف و ئازادی ژن لێرەدا بیرکردنەوە تێڕابینێکە زۆر لەم ڕاستیەدا بوونی هەیە ، هەریەک لە ئێمە بە شێوازی جیاواز شیکردنەوەی بۆ دەکەین ... ئێمە ئازادین لە بیرکردنەوەدا بەڵام لێرە ئەوەی گرنگە کە مەنتق لە بیرکردنەوەدا هەبێت ... لە ووڵاتی من کوردستان بەتایبەتی ڕۆژهەڵاتی کوردستانی لکێنراو بە ئێران یا باشتروایە بڵێین داگیرکراو ، لە ژێر کاریگەری سیستەمی کۆماری ئیسلامی ئێران کلتوری ئایین زاڵە بەسەر ماف و ئازادی تاک و کۆمەڵگا لەناویاندا ماف و ئازادییەکانی ژن .. ئەوەش بۆتە هۆی پیاو سالاری و پێشلکردنی مافی تاکە کەسی ، بەتایبەتی ژن .

کاتێک مرۆڤ بیەوێ بگات بە ئازادی دەبێ تێکۆشانی بۆ بکات ، لەبەرئەوەی ئازادی نرخی خۆی هەیە ، جار هەیە مرۆڤ ژیانی خۆی دەکاتە قوربانی بۆ ئەوەی ئازاد بێت .

نموونەیەکی بەرچاو ، خانم " زەینەب جەلالیان " کە لەژێر کاریگەری زوڵم ستەم و ئەشکەنجەی سیستەمی ڕژێمی ئێران لەلایەک ، کاریگەری کۆمەڵگا و ئایین و تەنانەت خانەوادە و کلتوردا لەلایەکی تر ، ڕێگای ئازادی خۆی هەڵبژارد بەڵام بەداخەوە دوای دەستبەسەرکردنی ساڵانێکە لەبارێکی نائاسایی و لەژێر کاریگەری ئەشکەنجەی جەستەیی و سایکۆلۆجی دژواردا و چاوی لەدەستداوە ، تا ئێستا ڕێگای پێنەدراوە چارەسەری پزیشکی بۆ بکرێ .

مافی ژن لە ووڵاتی من ڕۆژهەڵاتی کوردستان هیچ مانایەکی نیە ، تەنانەت بە زۆر شێوەی ناشیرین لەسایەری ڕژێمێکی دواکەوتووی مەزهەبی سوکایەتی بە مافی ژن و تاکەکانی کۆمەڵگا دەکرێ ، بەهۆی ئەو سیستەمەوە کە کاریگەری زۆری بەسەر ژیانی گشتی و تایبەتمەندیەکانی خانەوەداکاندا دروستکردووە ، تا ئێستاش کلتوری بەزۆر شوکردن یا بەشودان ، خەتەنە کردنی مێینە و تەنانەت بەناهەق کوشتنی ژن زۆر ئاساییە لە ئێران حکومەت پشتگیری ئەو تاوانانە دەکات  .

 

تاکە ڕێگا بۆ دەربازبوون لەو دۆزەخەی بۆ ژن دروستکراوە ئەوەیە هەر یەکێک لە ئێمە لە خۆمانەوە دەستپێبکەین و ڕێچکە شکێن بین .

FPPK

07.12.2015