ساڵیادی چواردەی تەموز داستانە سەرسوڕهێنەرەکەی زیندانی ئامەد

  English    -   Deutsch  -  kurdi   -    كوردی   -   فارسی                                                        

ساڵیادی چواردەی تەموز داستانە سەرسوڕهێنەرەکەی زیندانی ئامەد پ‌د‌ف چاپکردن پۆستی ئەلیکترۆنی

داستانێکی سەرسوڕهێنەر لە زیندانی ئامەد لەلایەن چوار زیندانی سیاسی تێکۆشەر تۆمارکرا ، هەریەکە لە خەیری دورمش ، کەمال پیر ، عەلی چیچەک ، عاکیف ، ئەو چوار زیندانیە سیاسیە بوون بە ئەستێرەی پرشنگداری خەباتی زیندان ، لە ڕۆژی ١٩٨٢/٧/١٤ کاتژمێر 8 ی بەیانی ژمارەیەکی زۆر لە زیندانیانی سیاسی دەستیان لەدواوە کەلەبچە دەکرێ و پێکەوە دەیانبەن بۆ دادگا ، خەیری دورمش لەبەرنامەیدابوو لەناو دادگا مانگرتن تا مردن ڕابگەیەنێ بۆیە لەدادگا دەستی بەرزدەکاتەوە دەیەوێت قسەبکات بەڵام دادوەر ڕێگەی پێنادات ، خەیری دووبارە داوادەکات دەرفەتی قسەکردنی پێبدرێت ، دادوەر ڕێگای پێدەدات ، کاتێک خەیری قسەدەکات هەموو بێدەنگ دەبن ، خەیری دەڵێت هیچ ڕێگەیەک بۆ پاراستنی مرۆڤەکان نەماوە ، ئەشکەنجە گەیشتۆتە ئاستێکی بەرز مرۆڤ دەکوژن بۆ ئەوەی ئیعتراف بکات ، لەبەر ئەوە من جارێکی تر نایەمەوە بۆ داگا من بڕیاری مانگرتن تا مردنم داوە ، دواتر کەمال پیر دەستی بەرزدەکاتەوە دەڵێ ئێمەش دەستدەکەین بە مانگرتن تا ڕۆژی مردن ، کەمال پیر لەگەڵ خەیری هاوڕێیەتیان زۆر بەهێز بووە کەمال خەیری زۆر خۆشدەوویست بەم شێوەیە دەستدەکەن بە مانگرتن تا مردن ، خەیری دورمش دەڵێ ئەگەر مردم لەسەر گۆڕەکەم بنوسن من قەرزاری گەلەکەم ، کەمال پیر کە بەڕەگەز تورک بوو بەهۆی مانگرتن لە ١٩٨٢/٩/٧ شەهید دەبێت ، دواتر خەیری بەردەوام دەبێت لەمانگرتن تا لە ١٩٨٢/٩/١٣ شەهید دەبێت. عەلی چیچەک و عاکیف بەهەمان شێوە لە مانگی سێپتێمبەری ساڵی ١٩٨٢ بەهۆی بەردەوامبوونیان لە مانگرتن شەهید دەبن. ئەو چوار شەهیدە و شەهیدەکانی تر بوون بەهێمای خەباتی نەتەوەی بەتایبەتی خەباتی زیندان ، لەهەمانکاتدا بوون بەهێزێکی بێکۆتای بۆ پەرەسەندنی شۆڕش . خەباتی زیندان بەردەوامە  ، تێکۆشان لەلایەن عەبدوڵا ئۆجەلان ماوەی ١٦ ساڵە درێژەی هەیە لەدژی ئەشکەنجەیەکی سیستەماتیکی دژوار کە لە زیندانی ئیمڕاڵی بە پلانێکی بێکۆتای لەلایەن دەوڵەتی تورک لەسەر ئۆجەلان پەیڕەو دەکرێت ، بەڵام جیاوازی ئێستا و ٣٣ ساڵ لەمەوبەر ئەوەیە گەلی کورد ئێستا هەمووی لەشۆڕشدایە سەرکەوتنەکانی گەلەکەمان بەرهەمی خەبات و قوربانیدانی ئەو شەهیدانەیە .

هەزاران سڵاو لەگیانی پاکی ئەو شەهیدانە و سەرجەم شەهیدانی کوردستان ، هەزاران سڵاو لە خۆڕاگری زیندانیانی سیاسی هەرچواربەشی کوردستان

FPPK

14.07.2015