ساڵیادی لەسێدارەدانی یوسف سەلمان (فەهەد) و هاوڕێکانی

  English    -   Deutsch  -  kurdi   -    كوردی   -   فارسی                                                        

ساڵیادی لەسێدارەدانی یوسف سەلمان (فەهەد) و هاوڕێکانی پ‌د‌ف چاپکردن پۆستی ئەلیکترۆنی

دەستەڕاست فەهەد لەگەڵ حازم - ژووری سێدارە

وێنە وەرگیراوە

سیاسەتمەدار و تێکۆشەری کۆمۆنیست یوسف سەلمان ناسراو بە هاوڕێ (فەهەد) ، دامەزرێنەر و سکرتێری یەکەمی پارتی کۆمۆنیستی عیڕاق

لە بەرواری ١٩٤٧/١/١٨ لەگەڵ دوو لە هاوڕێکانی لە شاری بەغداد دەستگیرکرا و لە ١٩٤٧/٦/٢٤ سزای لەسێدارەدانی بەسەردا سەپێنرا ، بەڵام ناڕەزایەتیەکان لەوکاتەدا لە دژی لەسێدارەدانی فەهەد ئاستی عیڕاق و جیهانی گرتەوە ، حکومەتی (ساڵح جەبر) لەعیڕاق ناچارکرا حوکمەکە بگۆڕێ بۆ (زیندانی هەتاهەتا) ی ، دوایئەوەی لەبەرواری ١٩٤٩/١/٦ نوری سەعیدی دوژمنی سەرەکی کۆمۆنیستەکان بووە سەرۆکی ئەنجوومەنی وەزیرانی عیڕاق ، بڕیاریدا یوسف سەلمان - فەهەد ، دووبارە دادگایی بکرێتەوە ، حوکمی ئیعدامی بەسەردا سەپاند و لە بەرەبەیانی ڕۆژی ١٩٤٩/٢/١٤ کاتژمێر چوار و نیوی بەیانی (فەهەد – دامەزرێنەر و سکرتێری پارتی کۆمۆنیستی عیڕاق ) و هاوڕێیەکی کە ئەندامی مەکتەبی سیاسی کۆمیتەی ناوەندی هەمان پارت بوو ناوی (زەکی بەسیم – حازم) بوو لەسێدارەدران و ڕۆژێک دواتر واتە (١٥) ی شوبات هاوڕێیەکی تری فەهەد کە ناوی ( حسێن محەمەد شەبیبی – سارم) لەسێدارەدرا.

 

دەستەڕاست ساڕم لەگەڵ فەهەد - ژووری سێدارە

یوسف سەلمان (فەهەد) لەساڵی ١٩٠١ لە گوندی بەرتلەی دەشتی نەینەوا لەبنەماڵەیەکی کریستیانی سریانی لەدایکبووە ، بەیەکەم چالاکی سیاسی لەعیڕاق هەژماردەکرێ و یەکەمین زیندانی سیاسیە کەبەهۆکاری سیاسی لەعیڕاق لەلایەن ڕژێمی پاشایەتی بۆگەن و دەسەڵاتی (نوری سەعید)ی سەرۆکی ئەنجوومەنی وەزیرانی عیڕاقی ئەوسەردەمە کە بەکرێگیراوی بەریتانیا بوو لەسێدارە درا .

بەریتانیا وەک ووڵاتێکی زلهێز کە عیڕاقی داگیرکردبوو ، دوژمنی سەرسەختی کۆمۆنیستەکان بوو لەکاتی لەسێدارەدانی (یوسف سەلمان – فەهەد ) ، باڵوێزی بەریتانیا لەعیڕاق خۆی سەرپەرشتی لەسێدارەدانەکەی کرد ، دوا ووتەی یوسف سەلمان - فەهەد بەرلەسێدارەدانی ئەو ووتە ناودارەیە کە گووتبووی (شیوعیەت لەمردن بەهێز ترە و لە دارەکانی سێدارەش بەرزترە) .

شایانی ئاماژەپێکردنە یوسف سەلمان ژیانی هاوسەری پێکهێنابوو ، هاوسەرەکەی خەڵکی یەکیەتی سۆڤیەت بوو ، کچێکیان هەبوو ناوی سۆزان بوو .

هەزاران سڵاو لەگیانی پاکی شەهید فەهەد و هاوڕێیانی و سەرجەم شەهیدانی ڕێگای ڕزگاری

FPPK

13.02.2015